എനിക്ക് ഇഷ്ടമല്ല
എനിക്ക് സുന്ദരന്മാരെയും സുന്ദരികളെയും
ഇഷ്ടമല്ലായിരുന്നു വെറുപ്പും ആയിരുന്നു .....എന്തെന്നാല്‍
അവര്‍ക്ക് അവനെ വളരെ ഇഷ്ടമായിരുന്നു
അതിനാല്‍ ഞാന്‍ അവനെയും വെറുത്തിരുന്നു
കാരണം ഞാന്‍ സുന്ദരന്‍ അല്ല
എന്ന് അറിയിച്ചത് അവനായിരുന്നു
ഉള്ളിലെ വേദനകള്‍ പുറത്തറിയിച്ചതും
അവനിലൂടെ
തന്നെയല്ലേ
എങ്കിലും എന്റെ ഉള്ളം ആരും അറിഞ്ഞില്ല
മുഖം പ്രതിഫലിപ്പിക്കാന്‍ മാത്രമേ
അവനാകുമായിരുന്നുള്ളൂ
നാം നമ്മെ തിരിച്ചറിയുന്നത്‌ തന്നിലൂടെന്നു
നിങ്ങള്‍ പറഞ്ഞപ്പോള്‍
നീ തരുന്ന വെളിച്ചം ഞാന്‍ ആവാഹിച്ചു
ഞാന്‍ സ്വത്വം തിരിച്ചറിയുന്നു
ഇന്ന് ഞാന്‍ നിന്നെ സ്നേഹിച്ചു തുടങ്ങി
കൂടെ എന്നെ തന്നെയും ......................!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ